KHub ek naseh-e-mushfiq ne ye irshad kiya

ḳhuub ik nāseh-e-mushfiq ne ye irshād kiyā

bazm meñ us ne ta'allī jo kal akbar kī sunī

na tirī fauj na shāgird na pairau na murīd

na tū arjun hai na suqrāt rishī hai na munī

kis nagīñ par haiñ tire naqsh ke āsār ‘ayāñ

note-bōk terī shikasta tirī pencil hai ghunī

fikr se zikr se 'ibrat se tujhe kaam nahīñ

vāh-vā ke liye lafzoñ kī dukāñ tū ne chunī

tab' meñ terī vahī ḳhāmī-e-hirs-e-duniyā

ātish-e-ḳhauf-e-ḳhudā se na jalī hai na bhunī

ḳhud-parastī hai bahut ḳhalq kī ḳhidmat kam hai

dil-dahī kam hai to hai dil-shikanī chaar gunī

KHub ek naseh-e-mushfiq ne ye irshad kiya

bazm mein us ne ta'alli jo kal akbar ki suni

na teri fauj na shagird na pairau na murid

na tu arjun hai na suqraat rishi hai na muni

kis nagin par hain tere naqsh ke aasar ‘ayan

note-book teri shikasta teri pencil hai ghuni

fikr se zikr se 'ibrat se tujhe kaam nahin

wah-wa ke liye lafzon ki dukan tu ne chuni

tab' mein teri wahi KHami-e-hirs-e-duniya

aatish-e-KHauf-e-KHuda se na jali hai na bhuni

KHud-parasti hai bahut KHalq ki KHidmat kam hai

dil-dahi kam hai to hai dil-shikani chaar guni