KHub paisa kamana paDta hai

ḳhuub paisa kamānā paḌtā hai

apnā sikka jamānā paḌtā hai

māñgā karte nahīñ kisī se dil

dostā dil churānā paḌtā hai

dekhne ko ki kaun hai nazdīk

kis qadar duur jaanā paḌtā hai

maiñ vo jangal huuñ jis kī sohbat meñ

shāḳh-dar-shāḳh aanā paḌtā hai

ḳhālī bartan kā shor bhartā huuñ

ḳhud meñ kohrām uThānā paḌtā hai

roknī paḌtī hai kabhī hichkī

haañ kabhī muskurānā paḌtā hai

tere qad kī barābarī ke liye

ḳhud ko kitnā girānā paḌtā hai

bār-e-dīgar hai justujū terī

shaam ko ghar bhī aanā paḌtā hai

āñkheñ vīrān karnā paḌtī haiñ

dasht se phuul laanā paḌtā hai

KHub paisa kamana paDta hai

apna sikka jamana paDta hai

manga karte nahin kisi se dil

dosta dil churana paDta hai

dekhne ko ki kaun hai nazdik

kis qadar dur jaana paDta hai

main wo jangal hun jis ki sohbat mein

shaKH-dar-shaKH aana paDta hai

KHali bartan ka shor bharta hun

KHud mein kohram uThana paDta hai

rokni paDti hai kabhi hichki

han kabhi muskurana paDta hai

tere qad ki barabari ke liye

KHud ko kitna girana paDta hai

bar-e-digar hai justuju teri

sham ko ghar bhi aana paDta hai

aankhen viran karna paDti hain

dasht se phul lana paDta hai