KHugar-e-hamd-o-sana qalib-e-insan mein aa

ḳhūgar-e-hamd-o-sanā qālib-e-insān meñ aa

muñh chhupā.egā tū kab tak merī pahchān meñ aa

paikar-e-husn kabhī bāzū-e-mīzān meñ aa

ai parī-vash tū kabhī mere gulistān meñ aa

rabb-e-sāmān kabhī mahfil-e-sāmān meñ aa

lā-makāñ-bāsh kabhī ālam-e-imkān meñ aa

abr-e-rahmat mire jalte hue aivān meñ aa

ai chaman-zār-e-sarāpā dil-e-vīrān meñ aa

tuur par dekhnā tujh ko to bahut mushkil hai

maslahat ye hai ki ab sūrat-e-āsān meñ aa

duur se shorish-e-tūfāñ kā maza letā hai

sang-e-sāhil tū kabhī shorish-e-tūfān meñ aa

yaar ke dil meñ utarnā to hai āsān 'rafīq'

baat to jab hai ki tū sīna-e-anjān meñ aa

KHugar-e-hamd-o-sana qalib-e-insan mein aa

munh chhupaega tu kab tak meri pahchan mein aa

paikar-e-husn kabhi bazu-e-mizan mein aa

ai pari-wash tu kabhi mere gulistan mein aa

rabb-e-saman kabhi mahfil-e-saman mein aa

la-makan-bash kabhi aalam-e-imkan mein aa

abr-e-rahmat mere jalte hue aiwan mein aa

ai chaman-zar-e-sarapa dil-e-viran mein aa

tur par dekhna tujh ko to bahut mushkil hai

maslahat ye hai ki ab surat-e-asan mein aa

dur se shorish-e-tufan ka maza leta hai

sang-e-sahil tu kabhi shorish-e-tufan mein aa

yar ke dil mein utarna to hai aasan 'rafiq'

baat to jab hai ki tu sina-e-anjaan mein aa