KHugar-e-lazzat hun main kis shoKH ki tazir ka

ḳhūgar-e-lazzat huuñ maiñ kis shoḳh kī ta.azīr kā

dil ko hasrat hai ki pahlū DhūñDiye taqsīr kā

thā mirā hañgāma-e-vahshat azal se peshtar

arsh kī zanjīr TukḌā hai mirī zanjīr kā

mar gayā zindāñ meñ jab maiñ vahshī-e-ātish-nafas

bujh gayā sho.ala charāġh-e-ḳhāna-e-zanjīr kā

saḳht-jānī se dil-e-muztar jo taḌpā vaqt-e-qatl

ban gayā sañg-e-fasāñ qātil tirī shamshīr kā

ho ke bismil ārzū-e-guftagū qātil se hai

har dahān-e-zaḳhm naqsha hai lab-e-taqrīr kā

itnī hai mashq-e-tasavvur intizār-e-qatl meñ

mardumak hai aañkh meñ jauhar tirī shamshīr kā

jaan kar ThanDī havā vo chain se sote to haiñ

dam bharūñ kyūñ-kar na āh-e-sard-e-be-tāsīr kā

hotā hai insān paidā vāste fariyād ke

ye ishāra hai sarīr-e-ḳhāma-e-tahrīr kā

ruuh aa jaatī hai tan meñ teġh-e-uryāñ dekh kar

murġh-e-jāñ bulbul hai bāġh-e-jauhar-e-shamshīr kā

aaj tak āvāz aatī hai dahān-e-gor se

hai ye madfan kushta-e-teġh-e-lab-e-taqrīr kā

aur duunā ġham uThāyā kī miTāne kī jo fikr

dāġh-e-hasrat ho gayā likkhā mirī taqdīr kā

rafta rafta yuuñ ghulāyā qaid meñ ġham ne 'nazar'

tauq-e-gardan paañv meñ halqa banā zanjīr kā

KHugar-e-lazzat hun main kis shoKH ki tazir ka

dil ko hasrat hai ki pahlu DhunDiye taqsir ka

tha mera hangama-e-wahshat azal se peshtar

arsh ki zanjir TukDa hai meri zanjir ka

mar gaya zindan mein jab main wahshi-e-atish-nafas

bujh gaya shoala charagh-e-KHana-e-zanjir ka

saKHt-jaani se dil-e-muztar jo taDpa waqt-e-qatl

ban gaya sang-e-fasan qatil teri shamshir ka

ho ke bismil aarzu-e-guftagu qatil se hai

har dahan-e-zaKHm naqsha hai lab-e-taqrir ka

itni hai mashq-e-tasawwur intizar-e-qatl mein

mardumak hai aankh mein jauhar teri shamshir ka

jaan kar ThanDi hawa wo chain se sote to hain

dam bharun kyun-kar na aah-e-sard-e-be-tasir ka

hota hai insan paida waste fariyaad ke

ye ishaara hai sarir-e-KHama-e-tahrir ka

ruh aa jati hai tan mein tegh-e-uryan dekh kar

murgh-e-jaan bulbul hai bagh-e-jauhar-e-shamshir ka

aaj tak aawaz aati hai dahan-e-gor se

hai ye madfan kushta-e-tegh-e-lab-e-taqrir ka

aur duna gham uThaya ki miTane ki jo fikr

dagh-e-hasrat ho gaya likkha meri taqdir ka

rafta rafta yun ghulaya qaid mein gham ne 'nazar'

tauq-e-gardan panw mein halqa bana zanjir ka