خون آنکھوں سے نکلتا ہی رہا
خون آنکھوں سے نکلتا ہی رہا
کاروان اشک چلتا ہی رہا
اس کف پا پر ترے رنگ حنا
جن نے دیکھا ہاتھ ملتا ہی رہا
صبح ہوتے بجھ گئے سارے چراغ
داغ دل تا شام جلتا ہی رہا
کب ہوا بیکار پتلا خاک کا
یہ تو سو قالب میں ڈھلتا ہی رہا
بہ ہوئے کب داغ میرے جسم کے
یہ شجر ہر وقت پھلتا ہی رہا
کب تھما آنکھوں سے میری خون دل
جوش کھا کھا کر ابلتا ہی رہا
کیا ہوا مرہم لگانے سے فغاںؔ
زخم دل سینہ میں سلتا ہی رہا
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
