خون دل ہے شراب کے مانند
خون دل ہے شراب کے مانند
اور جگر ہے کباب کے مانند
ساقی یہ بھی ہے تیرا فیض عام
پیتے ہیں مے جو آب کے مانند
مئے گلگوں کو ساقیٔ گلفام
پیتے ہیں ہم گلاب کے مانند
برگ گل لب دہن گل سوسن
گال ہیں بس گلاب کے مانند
ہجر ساقی میں خون دل اپنا
پیتے ہیں ہم شراب کے مانند
ہیں برسنے میں وقت گریہ مرے
دیدۂ تر سحاب کے مانند
یہ بہار اور یہ چمن بلبل
ہوں گے اک روز خواب کے مانند
بے دلآرام راحت و آرام
ہو گئے ہیں عذاب کے مانند
کوئی شے تشنۂ شہادت کو
نہیں خنجرؔ کی آب کے مانند
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
