KHun-e-dil hai sharab ke manind

ḳhūn-e-dil hai sharāb ke mānind

aur jigar hai kabāb ke mānind

saaqī ye bhī hai terā faiz-e-ām

piite haiñ mai jo aab ke mānind

mai-e-gulgūñ ko sāqī-e-gulfām

piite haiñ ham gulāb ke mānind

barg-e-gul lab dahan gul-e-sausan

gaal haiñ bas gulāb ke mānind

hijr-e-sāqī meñ ḳhūn-e-dil apnā

piite haiñ ham sharāb ke mānind

haiñ barasne meñ vaqt-e-girya mire

dīda-e-tar sahāb ke mānind

ye bahār aur ye chaman bulbul

hoñge ik roz ḳhvāb ke mānind

be-dilārām rāhat-o-ārām

ho ga.e haiñ azaab ke mānind

koī shai tishna-e-shahādat ko

nahīñ 'ḳhanjar' kī aab ke mānind

KHun-e-dil hai sharab ke manind

aur jigar hai kabab ke manind

saqi ye bhi hai tera faiz-e-am

pite hain mai jo aab ke manind

mai-e-gulgun ko saqi-e-gulfam

pite hain hum gulab ke manind

barg-e-gul lab dahan gul-e-sausan

gal hain bas gulab ke manind

hijr-e-saqi mein KHun-e-dil apna

pite hain hum sharab ke manind

hain barasne mein waqt-e-girya mere

dida-e-tar sahab ke manind

ye bahaar aur ye chaman bulbul

honge ek roz KHwab ke manind

be-dilaram rahat-o-aram

ho gae hain azab ke manind

koi shai tishna-e-shahadat ko

nahin 'KHanjar' ki aab ke manind