KHun mein Dube suraj ki kirnon mein yahi sangit hai yaro

ḳhuun meñ Duube sūraj kī kirnoñ meñ yahī sañgīt hai yaaro

sab kuchh denā kuchh bhī na lenā fitrat kī ye riit hai yaaro

khel na jaane kitne ham ne bante aur bigaḌte dekhe

haar ke baazī kyā rote ho duniyā kī ye riit hai yaaro

titlī kī phūloñ par thirkan aur magas kī mehnat-e-paiham

ye mehnat aur thirkan mil kar jīvan kā sañgīt hai yaaro

ham shā.ir haiñ ḳhud ko miTā kar auroñ kā dil bahlāte haiñ

siine meñ nāsūr hai lekin hoñToñ par sañgīt hai yaaro

qadam qadam par is duniyā ne kaise kaise dard diye haiñ

phir bhī is zālim duniyā se dil ko kitnī priit hai yaaro

is duniyā ke sannāTe meñ is ābād se vīrāne meñ

sachchā.ī aur sundartā hī ek suhānā giit hai yaaro

ḳhvāb hamesha TuuT ga.e haiñ talḳh haqā.eq se Takrā kar

lekin in TuuTe ḳhvāboñ se dil ko kitnī priit hai yaaro

KHun mein Dube suraj ki kirnon mein yahi sangit hai yaro

sab kuchh dena kuchh bhi na lena fitrat ki ye rit hai yaro

khel na jaane kitne hum ne bante aur bigaDte dekhe

haar ke bazi kya rote ho duniya ki ye rit hai yaro

titli ki phulon par thirkan aur magas ki mehnat-e-paiham

ye mehnat aur thirkan mil kar jiwan ka sangit hai yaro

hum shair hain KHud ko miTa kar auron ka dil bahlate hain

sine mein nasur hai lekin honTon par sangit hai yaro

qadam qadam par is duniya ne kaise kaise dard diye hain

phir bhi is zalim duniya se dil ko kitni prit hai yaro

is duniya ke sannaTe mein is aabaad se virane mein

sachchai aur sundarta hi ek suhana git hai yaro

KHwab hamesha TuT gae hain talKH haqaeq se Takra kar

lekin in TuTe KHwabon se dil ko kitni prit hai yaro