KHwab dekhe hain umr bhar kya kya

ḳhvāb dekhe haiñ 'umr bhar kyā kyā

ham ne tanhā kiye safar kyā kyā

ek terā hī sāmnā na huā

shahr dekhe phire nagar kyā kyā

jis jagah peḌ the parinde the

bad-numā ban ga.e haiñ ghar kyā kyā

ham vahīñ haiñ chale jahāñ se the

rā.egāñ ho ga.e safar kyā kyā

maut se pahle log marte haiñ

zindagī ne diye haiñ Dar kyā kyā

KHwab dekhe hain 'umr bhar kya kya

hum ne tanha kiye safar kya kya

ek tera hi samna na hua

shahr dekhe phire nagar kya kya

jis jagah peD the parinde the

bad-numa ban gae hain ghar kya kya

hum wahin hain chale jahan se the

raegan ho gae safar kya kya

maut se pahle log marte hain

zindagi ne diye hain Dar kya kya