KHwab dekhe the suhane kitne

ḳhvāb dekhe the suhāne kitne

jaag uThe dard purāne kitne

ek jalve kī farāvānī se

ban ga.e ā.ina-ḳhāne kitne

chaal se haal kī laate haiñ ḳhabar

log hote haiñ siyāne kitne

buujh kar bhī na batā.ūñ tujh ko

terī muTThī meñ haiñ daane kitne

be-irāda jo hue ashk-e-ravāñ

luT ga.e ġham ke ḳhazāne kitne

tum zarā ruuTh ke dekho to sahī

log aate haiñ manāne kitne

ham ne sirf ek tabassum ke liye

zaḳhm khaa.e haiñ na jaane kitne

Duub marne kā nahīñ koī javāz

zinda rahne ke bahāne kitne

sard-mehrī se tirī mahfil meñ

jal-bujhe log na jaane kitne

yād-e-māzī se simaT aa.e haiñ

ek lamhe meñ zamāne kitne

ik nazar dekhā thā us ne 'sāhir'

gaḌ.h liye dil ne fasāne kitne

KHwab dekhe the suhane kitne

jag uThe dard purane kitne

ek jalwe ki farawani se

ban gae aaina-KHane kitne

chaal se haal ki late hain KHabar

log hote hain siyane kitne

bujh kar bhi na bataun tujh ko

teri muTThi mein hain dane kitne

be-irada jo hue ashk-e-rawan

luT gae gham ke KHazane kitne

tum zara ruTh ke dekho to sahi

log aate hain manane kitne

hum ne sirf ek tabassum ke liye

zaKHm khae hain na jaane kitne

Dub marne ka nahin koi jawaz

zinda rahne ke bahane kitne

sard-mehri se teri mahfil mein

jal-bujhe log na jaane kitne

yaad-e-mazi se simaT aae hain

ek lamhe mein zamane kitne

ek nazar dekha tha us ne 'sahir'

gaDh liye dil ne fasane kitne