KHwab-gar KHwab banata hi chala jata hai

ḳhvāb-gar ḳhvāb banātā hī chalā jaatā hai

jis ko jo aa.e samajh us ko uThā laatā hai

raat bujhtī hai to jaag uThte haiñ vahshī manzar

din ujaḌtā hai to dil ḳhauf pe uksātā hai

tū ne jalte hue manzar ko havā kyuuñ dī thī

raakh ab uḌne lagī hai tū kidhar jaatā hai

ye tire soche hue rañg kā muhtāj nahīñ

husn to husn hai har rañg meñ itrātā hai

dekhne vaale mohabbat kī nazar se dekheñ

maiñ vo manzar huuñ jise husn-e-nazar bhātā hai

ai moallim kī tarah ishq paḌhāne vaale

ishq lecture se nahīñ kar ke samajh aatā hai

ek mushtāq-nigāhī kī talab meñ 'shāhid'

jis ko dekho vahī tasvīr huā jaatā hai

KHwab-gar KHwab banata hi chala jata hai

jis ko jo aae samajh us ko uTha lata hai

raat bujhti hai to jag uThte hain wahshi manzar

din ujaDta hai to dil KHauf pe uksata hai

tu ne jalte hue manzar ko hawa kyun di thi

rakh ab uDne lagi hai tu kidhar jata hai

ye tere soche hue rang ka muhtaj nahin

husn to husn hai har rang mein itraata hai

dekhne wale mohabbat ki nazar se dekhen

main wo manzar hun jise husn-e-nazar bhata hai

ai moallim ki tarah ishq paDhane wale

ishq lecture se nahin kar ke samajh aata hai

ek mushtaq-nigahi ki talab mein 'shahid'

jis ko dekho wahi taswir hua jata hai