KHwab ko KHwab ki tabir se pahchana hai

ḳhvāb ko ḳhvāb kī tā'bīr se pahchānā hai

yā'nī ḳhud ko tirī tasvīr se pahchānā hai

kabhī paañv se jo pahchān liye jaate the

ab unheñ paañv kī zanjīroñ se pahchānā hai

‘ishq-e-tāza kā ye mazmūñ koī mazmūñ hai jise

apnī miTtī huī tahrīr se pahchānā hai

vāpsī par maiñ akelā thā so ḳhush thā ki mujhe

dar-o-dīvār ne tāḳhīr se pahchānā hai

hamīñ logoñ ne ki jo sub.h se chup baiThe the

harf ko nāla-e-shabgīr se pahchānā hai

ḳhaak par ḳhaak uḌaa.ī hai mohabbat kī hai

shahr ko shahr kī tā'mīr se pahchānā hai

KHwab ko KHwab ki ta'bir se pahchana hai

ya'ni KHud ko teri taswir se pahchana hai

kabhi panw se jo pahchan liye jate the

ab unhen panw ki zanjiron se pahchana hai

‘ishq-e-taza ka ye mazmun koi mazmun hai jise

apni miTti hui tahrir se pahchana hai

wapsi par main akela tha so KHush tha ki mujhe

dar-o-diwar ne taKHir se pahchana hai

hamin logon ne ki jo subh se chup baiThe the

harf ko nala-e-shabgir se pahchana hai

KHak par KHak uDai hai mohabbat ki hai

shahr ko shahr ki ta'mir se pahchana hai