KHwab koi kya dekhe is be-KHwabi mein

ḳhvāb koī kyā dekhe is be-ḳhvābī meñ

chain nahīñ mil paatā hai betābi meñ

kuchh to 'ālam-e-imkāñ meñ aisā hogā

hairat hī hairat hai jis kī yaabī meñ

yāroñ kī to sartābī tak hai mashkūk

merā apnā lahja hai sartābī meñ

duniyā ne kyā jaane us meñ kyā dekhā

maiñ ne apnī jhalak dekhī fārābī meñ

registān-e-'arab meñ 'ajam ke shajaristāñ

phuul hai ātish-zer-e-pā sairābī meñ

ḳhanjar se kuchh likhtā rahtā huuñ tan par

yā ik baab izāfa hai ḳhūñ-nābī meñ

KHwab koi kya dekhe is be-KHwabi mein

chain nahin mil pata hai betabi mein

kuchh to 'alam-e-imkan mein aisa hoga

hairat hi hairat hai jis ki yabi mein

yaron ki to sartabi tak hai mashkuk

mera apna lahja hai sartabi mein

duniya ne kya jaane us mein kya dekha

main ne apni jhalak dekhi farabi mein

registan-e-'arab mein 'ajam ke shajaristan

phul hai aatish-zer-e-pa sairabi mein

KHanjar se kuchh likhta rahta hun tan par

ya ek bab izafa hai KHun-nabi mein