KHwab rangon se bani hai yaad taza

ḳhvāb rañgoñ se banī hai yaad taaza

dhuup likh laa.ī mubārak yaad taaza

phir bahā le jā.egā laavā lahū kā

sañg-dil par ghar kī rakh buniyād taaza

āb-e-tāza ḳhanjar-e-ḳhāmosh ko de

hai burīda-lab pe ik fariyād taaza

be-sutūnī phir uThā.e sañg sar hai

chāhtī hai jū-e-ḳhūñ farhād taaza

be-charāġhāñ bastiyoñ ko zindagī de

ik sitam aisā bhī kar ījād taaza

āsmāñ sar par bhī kyā qaa.em nahīñ hai

kuchh to kah ai uqda-e-uftād taaza

aisī sañgīñ chup ki dil phaTne lagā hai

kuchh to ai sho.ala-navā irshād taaza

KHwab rangon se bani hai yaad taza

dhup likh lai mubarak yaad taza

phir baha le jaega lawa lahu ka

sang-dil par ghar ki rakh buniyaad taza

aab-e-taza KHanjar-e-KHamosh ko de

hai burida-lab pe ek fariyaad taza

be-sutuni phir uThae sang sar hai

chahti hai ju-e-KHun farhad taza

be-charaghan bastiyon ko zindagi de

ek sitam aisa bhi kar ijad taza

aasman sar par bhi kya qaem nahin hai

kuchh to kah ai uqda-e-uftad taza

aisi sangin chup ki dil phaTne laga hai

kuchh to ai shoala-nawa irshad taza