KHwab se aankh wo mal kar jage

ḳhvāb se aañkh vo mal kar jaage

kitne so.e hue manzar jaage

kis kī ḳhātir hai pareshāñ tirī zulf

ham isī fikr meñ shab bhar jaage

tishnagī ne jo nichoḌā dāman

karvaTeñ le ke samundar jaage

saikḌoñ rañg haiñ āñkhoñ meñ magar

zehn meñ ek hī paikar jaage

ḳhvāb kā jashn manāne ke liye

log sunte haiñ ki ghar ghar jaage

ham ne kāġhaz pe likhā naam tirā

harf o ma.anī ke muqaddar jaage

un ko bedār na kahiye 'shā.ir'

log jo ḳhvāb ke andar jaage

KHwab se aankh wo mal kar jage

kitne soe hue manzar jage

kis ki KHatir hai pareshan teri zulf

hum isi fikr mein shab bhar jage

tishnagi ne jo nichoDa daman

karwaTen le ke samundar jage

saikDon rang hain aankhon mein magar

zehn mein ek hi paikar jage

KHwab ka jashn manane ke liye

log sunte hain ki ghar ghar jage

hum ne kaghaz pe likha nam tera

harf o mani ke muqaddar jage

un ko bedar na kahiye 'shair'

log jo KHwab ke andar jage