KHwab tabir mein Dhalte hain yahan se aage

Liyaqat Ali Aasim

KHwab tabir mein Dhalte hain yahan se aage

Liyaqat Ali Aasim

MORE BYLiyaqat Ali Aasim

    ḳhvāb ta.abīr meñ Dhalte haiñ yahāñ se aage

    aa nikal jaa.eñ shab-e-vahm-o-gumāñ se aage

    rañg pairāhan-e-ḳhākī badalne ke liye

    mujh ko jaanā hai abhī reg-e-ravāñ se aage

    ik qadam aur sahī shahr-e-tanaffus se udhar

    ik safar aur sahī kūcha-e-jāñ se aage

    is safar se koī lauTā nahīñ kis se pūchheñ

    kaisī manzil hai jahān-e-guzarāñ se aage

    maiñ bahut tez havāoñ guzargāh meñ huuñ

    ek bastī hai kahīñ mere makāñ se aage

    merī āvārgī yuuñ to nahīñ hai 'āsim'

    koī ḳhushbū hai mirī umr-e-ravāñ se aage

    KHwab tabir mein Dhalte hain yahan se aage

    aa nikal jaen shab-e-wahm-o-guman se aage

    rang pairahan-e-KHaki ka badalne ke liye

    mujh ko jaana hai abhi reg-e-rawan se aage

    ek qadam aur sahi shahr-e-tanaffus se udhar

    ek safar aur sahi kucha-e-jaan se aage

    is safar se koi lauTa nahin kis se puchhen

    kaisi manzil hai jahan-e-guzaran se aage

    main bahut tez hawaon ki guzargah mein hun

    ek basti hai kahin mere makan se aage

    meri aawargi yun hi to nahin hai 'asim'

    koi KHushbu hai meri umr-e-rawan se aage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY