KHwab tha arman tha kya kuchh teri palkon pe tha

ḳhvāb thā armān thā kyā kuchh tirī palkoñ pe thā

vo hamārā zikr jo kal tak tire hoñToñ pe thā

vo musāfir pā-ba-jaulāñ jaane kyuuñ lab-doz the

ek jaisā dard-e-afsāna sabhī chehroñ pe thā

ḳhush-nasīboñ ko pahāḌoñ se ḳhazāne mil ga.e

mujh ko vo bhī mil na paayā jo mire hoñToñ pe thā

marhabā terā hunar to bhuul bhī kaise sakī

vo zamāna jab hamārā haq tirī sāñsoñ pe thā

ḳhud-baḳhud rāz-e-mohabbat munkashif kartā rahā

vo gulābī aks jo raqsāñ tire gāloñ pe thā

KHwab tha arman tha kya kuchh teri palkon pe tha

wo hamara zikr jo kal tak tere honTon pe tha

wo musafir pa-ba-jaulan jaane kyun lab-doz the

ek jaisa dard-e-afsana sabhi chehron pe tha

KHush-nasibon ko pahaDon se KHazane mil gae

mujh ko wo bhi mil na paya jo mere honTon pe tha

marhaba tera hunar to bhul bhi kaise saki

wo zamana jab hamara haq teri sanson pe tha

KHud-baKHud raaz-e-mohabbat munkashif karta raha

wo gulabi aks jo raqsan tere galon pe tha