KHwab to khulte the mujh par dar koi khulta na tha

ḳhvāb to khulte the mujh par dar koī khultā na thā

āsmāñ sab khul chuke the par koī khultā na thā

sāmne se saare manzar saaf dikhte the magar

ek manzar aisā ki andar koī khultā na thā

jaane kaise shahr meñ apne qadam paḌne lage

band dil ke log the khul kar koī khultā na thā

gū-magū ke din the vo masjid koī chaltī na thī

ḳhauf kī devī kā Dar mandir koī khultā na thā

ab jidhar se bhī maiñ guzrūñ dekhte haiñ mujh ko log

mujh pe aise din bhī guzre dar koī khultā na thā

dekhtā rahtā thā shab bhar āsmānoñ kī taraf

dīda-e-ḳhūñ-bār se manzar koī khultā na thā

mil hī jaanā thā mujhe apne lahū kā bhī surāġh

bad-nasībī thī mirī ḳhanjar koī khultā na thā

ḳhvāb dekhā ārzū-e-shahr meñ vo 'iftiḳhār'

sab guzarte the magar mujh par koī khultā na thā

KHwab to khulte the mujh par dar koi khulta na tha

aasman sab khul chuke the par koi khulta na tha

samne se sare manzar saf dikhte the magar

ek manzar aisa ki andar koi khulta na tha

jaane kaise shahr mein apne qadam paDne lage

band dil ke log the khul kar koi khulta na tha

gu-magu ke din the wo masjid koi chalti na thi

KHauf ki dewi ka Dar mandir koi khulta na tha

ab jidhar se bhi main guzrun dekhte hain mujh ko log

mujh pe aise din bhi guzre dar koi khulta na tha

dekhta rahta tha shab bhar aasmanon ki taraf

dida-e-KHun-bar se manzar koi khulta na tha

mil hi jaana tha mujhe apne lahu ka bhi suragh

bad-nasibi thi meri KHanjar koi khulta na tha

KHwab dekha aarzu-e-shahr mein wo 'iftiKHar'

sab guzarte the magar mujh par koi khulta na tha