KHwab to KHwab hai tabir badal jati hai
Interesting Fact
14-08-1993, Delhi
ḳhvāb to ḳhvāb hai ta.abīr badal jaatī hai
dil ke ā.īne meñ tasvīr badal jaatī hai
ab salīboñ pe kahāñ gul-shuda sham.oñ kī qatār
aan kī aan meñ tahrīr badal jaatī hai
sur to badle haiñ na badleñge magar vaqt ke saath
zulm ke haath meñ shamshīr badal jaatī hai
roz bantā hai koī aag ke tīroñ kā hadaf
ret par ḳhuun kī zanjīr badal jaatī hai
dil ke patthar kī lakīreñ to nahīñ miT saktīñ
kashish-e-zulf-e-girah-gīr badal jaatī hai
tinkā tinkā hai qafas bhī to nasheman kī tarah
haañ faqat hasrat-e-tāmīr badal jaatī hai
in havāoñ meñ ho dil kis kā nishāna 'tanvīr'
jab bhī dekho ravish-e-tīr badal jaatī hai
KHwab to KHwab hai tabir badal jati hai
dil ke aaine mein taswir badal jati hai
ab salibon pe kahan gul-shuda shamon ki qatar
aan ki aan mein tahrir badal jati hai
sur to badle hain na badlenge magar waqt ke sath
zulm ke hath mein shamshir badal jati hai
roz banta hai koi aag ke tiron ka hadaf
ret par KHun ki zanjir badal jati hai
dil ke patthar ki lakiren to nahin miT saktin
kashish-e-zulf-e-girah-gir badal jati hai
tinka tinka hai qafas bhi to nasheman ki tarah
han faqat hasrat-e-tamir badal jati hai
in hawaon mein ho dil kis ka nishana 'tanwir'
jab bhi dekho rawish-e-tir badal jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
