خواب ٹوٹے تو مری پلکوں پہ آئے سائے

خواب ٹوٹے تو مری پلکوں پہ آئے سائے

کس طرح آج مری آنکھوں میں چھائے سائے

اس نے جو بات کی وہ میری تھی یا میری نہیں

اس کی آنکھوں میں مرے تھے نہ پرائے سائے

مجھ کو تنہائی کی آغوش میں ڈر لگتا ہے

جیسے بیٹھے ہوں مرے پاس میں سائے سائے

شام ڈھلتے ہی جلے آنکھوں میں جگنو آنسو

اور زلفوں میں کہیں میں نے چھپائے سائے

اس کے ہاتھوں میں دھنک رنگ تھے ظاہر ایسے

جس نے آکاش کے پردے میں بنائے سائے

میں بھی اک روز بدل جاؤں گی تمثیلؔ مگر

میری قسمت میں کبھی کوئی نہ لائے سائے