KHwab TuTe to meri palkon pe aae sae

ḳhvāb TuuTe to mirī palkoñ pe aa.e saa.e

kis tarah aaj mirī āñkhoñ meñ chhā.e saa.e

us ne jo baat kī vo merī thī yā merī nahīñ

us kī āñkhoñ meñ mire the na parā.e saa.e

mujh ko tanhā.ī kī āġhosh meñ Dar lagtā hai

jaise baiThe hoñ mire paas meñ saa.e saa.e

shaam Dhalte hī jale āñkhoñ meñ jugnū aañsū

aur zulfoñ meñ kahīñ maiñ ne chhupā.e saa.e

us ke hāthoñ meñ dhanak-rang the zāhir aise

jis ne ākāsh ke parde meñ banā.e saa.e

maiñ bhī ik roz badal jā.ūñgī 'tamsīl' magar

merī qismat meñ kabhī koī na laa.e saa.e

KHwab TuTe to meri palkon pe aae sae

kis tarah aaj meri aankhon mein chhae sae

us ne jo baat ki wo meri thi ya meri nahin

us ki aankhon mein mere the na parae sae

mujh ko tanhai ki aaghosh mein Dar lagta hai

jaise baiThe hon mere pas mein sae sae

sham Dhalte hi jale aankhon mein jugnu aansu

aur zulfon mein kahin main ne chhupae sae

us ke hathon mein dhanak-rang the zahir aise

jis ne aakash ke parde mein banae sae

main bhi ek roz badal jaungi 'tamsil' magar

meri qismat mein kabhi koi na lae sae