KHwab uTha kar taq pe rakkhe maine bhi

ḳhvāb uThā kar taaq pe rakkhe maiñ ne bhī

duniyā tere naaz uThā.e maiñ ne bhī

vo bhī ummīdoñ par puurā kab utrā

toḌ diye ādarsh purāne maiñ ne bhī

ishq rivāyat ban kar mere saath chalā

tasvīroñ ke aañsū dekhe maiñ ne bhī

na.ī navelī āvāzoñ kā shor uThā

kan-akhiyoñ se manzar dekhe maiñ ne bhī

aate aate aa.ī hai duniyā-dārī

rañj usāre dard sañvāre maiñ ne bhī

KHwab uTha kar taq pe rakkhe main ne bhi

duniya tere naz uThae main ne bhi

wo bhi ummidon par pura kab utra

toD diye aadarsh purane main ne bhi

ishq riwayat ban kar mere sath chala

taswiron ke aansu dekhe main ne bhi

nai naweli aawazon ka shor uTha

kan-akhiyon se manzar dekhe main ne bhi

aate aate aai hai duniya-dari

ranj usare dard sanware main ne bhi