خوابوں کی چاندنی کا سراپا کہاں سے آئے
خوابوں کی چاندنی کا سراپا کہاں سے آئے
جب جسم ہی نہیں ہے تو سایا کہاں سے آئے
ہونٹوں کو سی لیا ہے تو نغموں کا ذکر کیا
پانی بندھا ہوا ہے تو دھارا کہاں سے آئے
سورج تو شش جہت سے دکھاتا ہے آئنہ
دیوار مل بھی جائے تو سایا کہاں سے آئے
یہ رات یہ تھکن یہ اداسی یہ تیرگی
ایسے میں کوئی چاند کا ٹکڑا کہاں سے آئے
احساس تو مجھے بھی ہے سورج کی پیاس کا
جب خون ہی نہیں تو پسینا کہاں سے آئے
طاہرؔ یہ رہزنوں کا لٹیروں کا شہر ہے
تم اس اندھیری رات میں تنہا کہاں سے آئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.