KHwabon ki dastaras mein na aankhon ki had mein hai

ḳhvāboñ kī dastaras meñ na āñkhoñ kī had meñ hai

imkān-e-vasl gard-e-masāfat kī zad meñ hai

likkhā huā thā hijr hamāre nasīb meñ

ye istinād terī tamannā ke rad meñ hai

dasht-e-ġham-e-firāq meñ bhaTke hue haiñ ham

sad-shukr terī yaad hamārī rasad meñ hai

ahl-e-junūñ haiñ razm-gah-e-haq meñ jāñ-ba-kaf

talqīn-e-dast-bastagī bazm-e-ḳhirad meñ hai

maiñ kyā huuñ maiñ to ḳhaak huuñ aur merī zindagī

ik amr-e-kun-fakāñ hai jo ḳhākī jasad meñ hai

KHwabon ki dastaras mein na aankhon ki had mein hai

imkan-e-wasl gard-e-masafat ki zad mein hai

likkha hua tha hijr hamare nasib mein

ye istinad teri tamanna ke rad mein hai

dasht-e-gham-e-firaq mein bhaTke hue hain hum

sad-shukr teri yaad hamari rasad mein hai

ahl-e-junun hain razm-gah-e-haq mein jaan-ba-kaf

talqin-e-dast-bastagi bazm-e-KHirad mein hai

main kya hun main to KHak hun aur meri zindagi

ek amr-e-kun-fakan hai jo KHaki jasad mein hai