KHwabon ko jagir banana bhul gae

ḳhvāboñ ko jāgīr banānā bhuul ga.e

is pe sitam ta.abīr banānā bhuul ga.e

pyaar ke zahr ko chakh lene ke ba.ad khulā

ham us ko iksīr banānā bhuul ga.e

chhoḌ gayā vo jis pal ham ko tab jaanā

chāhat ko zanjīr banānā bhuul ga.e

ek duā kī sūrat tum ko chāhā thā

aur is meñ tāsīr banānā bhuul ga.e

tum ko palkoñ beach chhupānā hasrat thī

tum ko palkoñ beach chhupānā bhuul ga.e

naam tumhārā haath pe likhnā yaad rahā

ham is ko taqdīr banānā bhuul ga.e

KHwabon ko jagir banana bhul gae

is pe sitam tabir banana bhul gae

pyar ke zahr ko chakh lene ke baad khula

hum us ko iksir banana bhul gae

chhoD gaya wo jis pal hum ko tab jaana

chahat ko zanjir banana bhul gae

ek dua ki surat tum ko chaha tha

aur is mein tasir banana bhul gae

tum ko palkon beach chhupana hasrat thi

tum ko palkon beach chhupana bhul gae

nam tumhaara hath pe likhna yaad raha

hum is ko taqdir banana bhul gae