خوابوں میں بھی پانا اسے آسان نہیں ہے

خوابوں میں بھی پانا اسے آسان نہیں ہے

پر تھوڑی سی کوشش میں بھی نقصان نہیں ہے

مانا کہ مری زندگی آسان نہیں ہے

ہے کون یہاں وہ جو پریشان نہیں ہے

ہم نے تو لہو سے لکھی اس کے لیے غزلیں

پھر بھی اسے لگتا ہیں ابھی جان نہیں ہے

شاید یہ مری زندگی کا آخری پل ہے

جس میں کوئی خواہش کوئی ارمان نہیں ہے

گیتا کبھی قرآن کی کیوں کھاتے ہیں قسمیں

جن کا کوئی مذہب کوئی ایمان نہیں ہے

قربانی ترنگے کے لیے سب کی برابر

اس میں کوئی ہندو یا مسلمان نہیں ہے