KHwabon mein masruf hai tu par meri ye bedari dekh

ḳhvāboñ meñ masrūf hai tū par merī ye bedārī dekh

merī rātoñ kī syāhī meñ rañg-e-ḳhūñ ko taarī dekh

dekh tū merī ġhurbat ko aur merī murda āñkhoñ ko

merī murda āñkhoñ se tū ab bhī aañsū jaarī dekh

tujh ko dene ko hai mere paas batā kyā kuchh bhī nahīñ

tujh se bāteñ terī yādeñ merī daulat saarī dekh

merī jaan ke saath saath ab saare lafz-e-fanā mere

in ko ik ik kar ke jaate tū ab baarī baarī dekh

zehn meñ ik tasvīr thī terī apnī saarī daulat jo

aaj yahāñ par khel khel meñ ham ne vo bhī haarī dekh

gird mire har jā har dam ik shor sunā.ī detā thā

ḳhāmoshī bhī dekh le ab tū aa kar laash hamārī dekh

KHwabon mein masruf hai tu par meri ye bedari dekh

meri raaton ki syahi mein rang-e-KHun ko tari dekh

dekh tu meri ghurbat ko aur meri murda aankhon ko

meri murda aankhon se tu ab bhi aansu jari dekh

tujh ko dene ko hai mere pas bata kya kuchh bhi nahin

tujh se baaten teri yaaden meri daulat sari dekh

meri jaan ke sath sath ab sare lafz-e-fana mere

in ko ek ek kar ke jate tu ab bari bari dekh

zehn mein ek taswir thi teri apni sari daulat jo

aaj yahan par khel khel mein hum ne wo bhi haari dekh

gird mere har ja har dam ek shor sunai deta tha

KHamoshi bhi dekh le ab tu aa kar lash hamari dekh