KHwahan-e-kaam-e-jaan hain tan-asaniyon mein hum

ḳhvāhān-e-kām-e-jāñ haiñ tan-āsāniyoñ meñ ham

tā-zindagī raheñge pareshāniyoñ meñ ham

masjid meñ sajda ḳhaak kareñ dekhte haiñ ham

sandal sanam-parastoñ kī peshāniyoñ meñ ham

dekhā kabhī na ḳhaar kī dāman-kashī kā lutf

sahrā kī sair ko ga.e uryāniyoñ meñ ham

do qism aadmī haiñ jafākār-o-bevafā

gar avvaloñ meñ vo hai to haiñ sāniyoñ meñ ham

āb-e-baqā ḳhizar ko mubārak rahe hameñ

kaafī hai jām-e-zahr ki haiñ fāniyoñ meñ ham

jang-o-jadal rahegī 'shahīdī' tamām umr

īrāniyoñ meñ yaar haiñ tūrāniyoñ meñ ham

KHwahan-e-kaam-e-jaan hain tan-asaniyon mein hum

ta-zindagi rahenge pareshaniyon mein hum

masjid mein sajda KHak karen dekhte hain hum

sandal sanam-paraston ki peshaniyon mein hum

dekha kabhi na KHar ki daman-kashi ka lutf

sahra ki sair ko gae uryaniyon mein hum

do qism aadmi hain jafakar-o-bewafa

gar awwalon mein wo hai to hain saniyon mein hum

aab-e-baqa KHizar ko mubarak rahe hamein

kafi hai jam-e-zahr ki hain faniyon mein hum

jang-o-jadal rahegi 'shahidi' tamam umr

iraniyon mein yar hain turaniyon mein hum