KHwahish-e-mewa-e-tar ho ye zaruri to nahin

ḳhvāhish-e-meva-e-tar ho ye zarūrī to nahīñ

har koī ḳhuld-badar ho ye zarūrī to nahīñ

tesha-e-ġham ko sanam-sāzī-e-hastī se ġharaz

sañg vābasta-e-dar ho ye zarūrī to nahīñ

maiñ huuñ ālūda ba-ḳhūn-e-jigar-o-ḳhāk-e-jahāñ

vo tirī rāhguzar ho ye zarūrī to nahīñ

kuchh jamāl-e-kam-o-kaj-bīnī-e-ḳhush-chashm bhī hai

sab tirā husn-e-nazar ho ye zarūrī to nahīñ

ai hunar-mand-e-jarāhat talab-e-ḳhāma tujhe

dāva-e-zaḳhm-e-hunar ho ye zarūrī to nahīñ

rāñda-e-halqa-e-āġhosh pas andesha-e-jamāl

terā manzūr-e-nazar ho ye zarūrī to nahīñ

lafz-e-sir meñ mire eraab tarāz-e-muḳhlis

zer kī jā pe zabar ho ye zarūrī to nahīñ

ye bhī malzūm nahīñ to ho giraftār-e-ḳhirad

mujh ko bhī apnī ḳhabar ho ye zarūrī to nahīñ

ba.ad-e-taqrīb-e-tamannā.ī-e-nazzāra-e-tūr

tāqat-o-tāb-e-nazar ho ye zarūrī to nahīñ

ālam-e-be-ḳhūdī-e-ishrat-e-be-ġhāyat hai

ruuh masrūr magar ho ye zarūrī to nahīñ

hai mai-e-shauq meñ āmezish-e-talḳhāb-e-gumāñ

phir bhī taḳhfīf-e-asar ho ye zarūrī to nahīñ

dil ba-afzā.ish-e-ḳhuddārī-e-āhañg-e-suḳhan

ḳhā.ef-e-ahl-e-nazar ho ye zarūrī to nahīñ

pīrī-e-ishq se huuñ sehat-e-ma.ashūq-shikār

dil tavānā-e-jigar ho ye zarūrī to nahīñ

sūrat-e-qurb-e-musalsal bhī nikal saktī hai

baam par umr basar ho ye zarūrī to nahīñ

bas ki ik vasvasa-e-barg-e-ḳhizāñ-dīda hai

ḳhuld-e-imkāñ meñ shajar ho ye ye zarūrī to nahīñ

inhisār-e-ġham-e-hastī ba-ġham-e-marg-e-havas

'hādis'-e-ḳhāk-basar ho ye zarūrī to nahīñ

KHwahish-e-mewa-e-tar ho ye zaruri to nahin

har koi KHuld-badar ho ye zaruri to nahin

tesha-e-gham ko sanam-sazi-e-hasti se gharaz

sang wabasta-e-dar ho ye zaruri to nahin

main hun aaluda ba-KHun-e-jigar-o-KHak-e-jahan

wo teri rahguzar ho ye zaruri to nahin

kuchh jamal-e-kam-o-kaj-bini-e-KHush-chashm bhi hai

sab tera husn-e-nazar ho ye zaruri to nahin

ai hunar-mand-e-jarahat talab-e-KHama tujhe

dawa-e-zaKHm-e-hunar ho ye zaruri to nahin

randa-e-halqa-e-aghosh pas andesha-e-jamal

tera manzur-e-nazar ho ye zaruri to nahin

lafz-e-sir mein mere erab taraaz-e-muKHlis

zer ki ja pe zabar ho ye zaruri to nahin

ye bhi malzum nahin to ho giraftar-e-KHirad

mujh ko bhi apni KHabar ho ye zaruri to nahin

baad-e-taqrib-e-tamannai-e-nazzara-e-tur

taqat-o-tab-e-nazar ho ye zaruri to nahin

aalam-e-be-KHudi-e-ishrat-e-be-ghayat hai

ruh masrur magar ho ye zaruri to nahin

hai mai-e-shauq mein aamezish-e-talKHab-e-guman

phir bhi taKHfif-e-asar ho ye zaruri to nahin

dil ba-afzaish-e-KHuddari-e-ahang-e-suKHan

KHaef-e-ahl-e-nazar ho ye zaruri to nahin

piri-e-ishq se hun sehat-e-mashuq-shikar

dil tawana-e-jigar ho ye zaruri to nahin

surat-e-qurb-e-musalsal bhi nikal sakti hai

baam par umr basar ho ye zaruri to nahin

bas ki ek waswasa-e-barg-e-KHizan-dida hai

KHuld-e-imkan mein shajar ho ye ye zaruri to nahin

inhisar-e-gham-e-hasti ba-gham-e-marg-e-hawas

'hadis'-e-KHak-basar ho ye zaruri to nahin