KHwahish-e-sham-e-farozan se pareshan na hua

ḳhvāhish-e-sham'-e-farozāñ se pareshāñ na huā

dil qanā'at ke karam se tahī-dāmāñ na huā

apnī ġhairat se kisī taur gurezāñ na huā

miT gayā 'ishq magar chāk-garebāñ na huā

mausam-e-gul bhī huā ab ke ta'assub kā shikār

rashk-e-gul ho ke bhī vo faḳhr-e-gulistāñ na huā

pesh kī ham ne ka.ī ruḳh se dalīleñ lekin

'umr bhar 'aql kā haamī dil-e-nādāñ na huā

bazm-e-jānāñ se ri'āyat kī na ummīd rakheñ

marhala shauq-e-nazar kā kabhī āsāñ na huā

daaġh dhabboñ kī hai bohtāt zamāne meñ magar

daaġh us daaġh ko kahte jo numāyāñ na huā

shīsha-e-dil ko bahut ham ne sañvārā 'kausar'

zarra zarra hī rahā mehr-e-daraḳhshāñ na huā

KHwahish-e-sham'-e-farozan se pareshan na hua

dil qana'at ke karam se tahi-daman na hua

apni ghairat se kisi taur gurezan na hua

miT gaya 'ishq magar chaak-gareban na hua

mausam-e-gul bhi hua ab ke ta'assub ka shikar

rashk-e-gul ho ke bhi wo faKHr-e-gulistan na hua

pesh ki hum ne kai ruKH se dalilen lekin

'umr bhar 'aql ka hami dil-e-nadan na hua

bazm-e-jaanan se ri'ayat ki na ummid rakhen

marhala shauq-e-nazar ka kabhi aasan na hua

dagh dhabbon ki hai bohtat zamane mein magar

dagh us dagh ko kahte jo numayan na hua

shisha-e-dil ko bahut hum ne sanwara 'kausar'

zarra zarra hi raha mehr-e-daraKHshan na hua