KHwahish-e-wasl ne ushshaq ko ruswa rakkha
KHwahish-e-wasl ne ushshaq ko ruswa rakkha
Raeesuddin Tahoor Jafri
MORE BYRaeesuddin Tahoor Jafri
ḳhvāhish-e-vasl ne ushshāq ko rusvā rakkhā
husn ne dilkash-o-ḳhush-rañg sarāpā rakkhā
apne kirdār ke dāġhoñ ko chhupāne ke liye
mere a.amāl pe tanqīd ko barpā rakkhā
mere nā-karda gunāhoñ kī numā.ish ke liye
mujh ko zindāñ meñ lagā kar baḌā taalā rakkhā
saaf inkār na karne ke badal zālim ne
merī dil-bastagī ko vāda-e-fardā rakkhā
kaun sī chiiz girānī kī bulandī pe nahīñ
ḳhūn-e-nāhaq magar is daur ne sastā rakkhā
kar ke mahrūm unheñ āb-e-ravāñ se ham ne
naam be-āb guzargāhoñ kā dariyā rakkhā
apne qad se mirā qad dekhā nikaltā jo 'tuhūr'
kar ke sar merā qalam apnā sar ūñchā rakkhā
KHwahish-e-wasl ne ushshaq ko ruswa rakkha
husn ne dilkash-o-KHush-rang sarapa rakkha
apne kirdar ke daghon ko chhupane ke liye
mere aamal pe tanqid ko barpa rakkha
mere na-karda gunahon ki numaish ke liye
mujh ko zindan mein laga kar baDa tala rakkha
saf inkar na karne ke badal zalim ne
meri dil-bastagi ko wada-e-farda rakkha
kaun si chiz girani ki bulandi pe nahin
KHun-e-nahaq magar is daur ne sasta rakkha
kar ke mahrum unhen aab-e-rawan se hum ne
nam be-ab guzargahon ka dariya rakkha
apne qad se mera qad dekha nikalta jo 'tuhur'
kar ke sar mera qalam apna sar uncha rakkha
- Book : Pakistani Adab (Pg. 492)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
