خواہش کے پیڑ کو کبھی پھلنے نہیں دیا

خواہش کے پیڑ کو کبھی پھلنے نہیں دیا

پتھر کا مینہ گھر پہ برسنے نہیں دیا

خاموشیوں سے چھلنے لگیں تھیں سماعتیں

لیکن صدا کو زخم پہ ملنے نہیں دیا

خوابوں کی کرچیوں نے مجھے زخم تو دئے

آنکھوں سے پھر بھی خون ٹپکنے نہیں دیا

چھڑکا ہے اس پہ صبر کا پانی تمام عمر

جذبات کا الاؤ بھڑکنے نہیں دیا

لپٹی جو جسم سے تو کیا شام کے سپرد

پرچھائیں کو بھی پاؤں پہ گرنے نہیں دیا

سب سے بڑے شجاع سے تھا میرا معرکہ

لیکن آنا نے مجھ کو پلٹنے نہیں دیا

رستہ یہ کس طرح کا ہے صحرائے زندگی

اس نے تو دو قدم مجھے چلنے نہیں دیا