KHwahishen apni sarabon mein na rakkhe koi
ḳhvāhisheñ apnī sarāboñ meñ na rakkhe koī
in havāoñ ko habāboñ meñ na rakkhe koī
chand lamhoñ kā ye jiinā hai ġhanīmat jaano
zindagī apnī azāboñ meñ na rakkhe koī
aaj har fard hai ik hasrat-e-ta.abīr liye
ab ḳhayālāt ko ḳhvāboñ meñ na rakkhe koī
kaam tahqīq ke unvāñ pe baḌhegā kaise
gar savāloñ ko javāboñ meñ na rakkhe koī
ye bhī kyā zid hai ki kāñToñ ko mahakne diije
ya.anī ḳhushbū ko gulāboñ meñ na rakkhe koī
nekiyāñ kitnī haiñ 'ejāz' hisār-e-dil meñ
ḳhūbiyāñ hoñ to ḳharāboñ meñ na rakkhe koī
KHwahishen apni sarabon mein na rakkhe koi
in hawaon ko hababon mein na rakkhe koi
chand lamhon ka ye jina hai ghanimat jaano
zindagi apni azabon mein na rakkhe koi
aaj har fard hai ek hasrat-e-tabir liye
ab KHayalat ko KHwabon mein na rakkhe koi
kaam tahqiq ke unwan pe baDhega kaise
gar sawalon ko jawabon mein na rakkhe koi
ye bhi kya zid hai ki kanTon ko mahakne dije
yani KHushbu ko gulabon mein na rakkhe koi
nekiyan kitni hain 'ejaz' hisar-e-dil mein
KHubiyan hon to KHarabon mein na rakkhe koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
