KHwahishen intizar aur yaqin

ḳhvāhisheñ intizār aur yaqīn

vasvase be-shumār aur yaqīn

tiin arkān ādmiyyat ke

'ājizī inkisār aur yaqīn

izn-e-rabb-ul-alā-o-rāz-o-niyāz

aap siddīq-o-ġhār aur yaqīn

rāh-e-dushvār laḌkhaḌāte qadam

dasht-e-hairat ġhubār aur yaqīn

jang meñ jiit kī zamānat haiñ

hausla iḳhtiyār aur yaqīn

mustaqil 'ishq kī himāyat meñ

log ham tiin chaar aur yaqīn

manzileñ bad-gumāniyāñ vahshat

fāsla sañg-o-ḳhār aur yaqīn

manziloñ kā surāġh aur husūl

'ishq par inhisār aur yaqīn

lījiye imtihān 'faisal' kā

kījiye ek baar aur yaqīn

KHwahishen intizar aur yaqin

waswase be-shumar aur yaqin

tin arkan aadmiyyat ke

'ajizi inkisar aur yaqin

izn-e-rabb-ul-ala-o-raaz-o-niyaz

aap siddiq-o-ghaar aur yaqin

rah-e-dushwar laDkhaDate qadam

dasht-e-hairat ghubar aur yaqin

jang mein jit ki zamanat hain

hausla iKHtiyar aur yaqin

mustaqil 'ishq ki himayat mein

log hum tin chaar aur yaqin

manzilen bad-gumaniyan wahshat

fasla sang-o-KHar aur yaqin

manzilon ka suragh aur husul

'ishq par inhisar aur yaqin

lijiye imtihan 'faisal' ka

kijiye ek bar aur yaqin