KHwahishon ki baadshahi kuchh nahin
ḳhvāhishoñ kī bādshāhī kuchh nahīñ
dil meñ shauq-e-kaj-kulāhī kuchh nahīñ
kyuuñ adālat ko shavāhid chāhiyeñ
kyā ye zaḳhmoñ kī gavāhī kuchh nahīñ
sub.h likkhī hai agar taqdīr meñ
raat kī phir ye siyāhī kuchh nahīñ
soch apnī zaat tak mahdūd hai
zehn kī kyā ye tabāhī kuchh nahīñ
zarf shāmil hai hamāre ḳhuun meñ
ye tumhārī kam-nigāhī kuchh nahīñ
hañs ke miltā hai umūman vo 'azīm'
is tarah jaise huā hī kuchh nahīñ
KHwahishon ki baadshahi kuchh nahin
dil mein shauq-e-kaj-kulahi kuchh nahin
kyun adalat ko shawahid chahiyen
kya ye zaKHmon ki gawahi kuchh nahin
subh likkhi hai agar taqdir mein
raat ki phir ye siyahi kuchh nahin
soch apni zat tak mahdud hai
zehn ki kya ye tabahi kuchh nahin
zarf shamil hai hamare KHun mein
ye tumhaari kam-nigahi kuchh nahin
hans ke milta hai umuman wo 'azim'
is tarah jaise hua hi kuchh nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
