KHwahishon ki kitab the jab the

ḳhvāhishoñ kī kitāb the jab the

zindagī kā nisāb the jab the

apnī uñglī pakaḌ ke chalte the

ḳhud ko ham dastiyāb the jab the

tāq-e-māzī ke ye udaas diye

shauq meñ āftāb the jab the

apnī āñkhoñ meñ ab khaTakte haiñ

chashm-e-yārāñ kā ḳhvāb the jab the

ab mayassar kahāñ haiñ ḳhud ko bhī

haañ tire be-hisāb the jab the

ye jo āñkheñ bujhī bujhī haiñ naañ

in meñ bhī chand ḳhvāb the jab the

ab jo sūkhe paḌe haiñ qabroñ par

ye bhī taaza gulāb the jab the

KHwahishon ki kitab the jab the

zindagi ka nisab the jab the

apni ungli pakaD ke chalte the

KHud ko hum dastiyab the jab the

taq-e-mazi ke ye udas diye

shauq mein aaftab the jab the

apni aankhon mein ab khaTakte hain

chashm-e-yaran ka KHwab the jab the

ab mayassar kahan hain KHud ko bhi

han tere be-hisab the jab the

ye jo aankhen bujhi bujhi hain nan

in mein bhi chand KHwab the jab the

ab jo sukhe paDe hain qabron par

ye bhi taza gulab the jab the