KHwar-o-ruswa na sar-e-kucha-o-bazar mile

ḳhvār-o-rusvā na sar-e-kūcha-o-bāzār mile

hai yahī ishq kā e.azāz sar-e-dār mile

zindagī se ye rahā apnī mulāqāt kā haal

kisī bezār se jaise koī bezār mile

ham se pahle bhī ye afsāna bayāñ hotā thā

kitne ġham phir bhī hameñ tishna-e-iz.hār mile

zindagī ne koī ā.īna dikhāyā jab bhī

apne chehre pe hameñ maut ke āsār mile

fikr-e-ta.abīr meñ niiñd uḌ ga.ī dīvānoñ kī

ḳhvāb apne hī un āñkhoñ meñ jo bedār mile

muskurāte hue chehroñ pe na jaao 'maḳhmūr'

shāyad in meñ bhī koī tum sā dil-afgār mile

KHwar-o-ruswa na sar-e-kucha-o-bazar mile

hai yahi ishq ka eazaz sar-e-dar mile

zindagi se ye raha apni mulaqat ka haal

kisi bezar se jaise koi bezar mile

hum se pahle bhi ye afsana bayan hota tha

kitne gham phir bhi hamein tishna-e-izhaar mile

zindagi ne koi aaina dikhaya jab bhi

apne chehre pe hamein maut ke aasar mile

fikr-e-tabir mein nind uD gai diwanon ki

KHwab apne hi un aankhon mein jo bedar mile

muskuraate hue chehron pe na jao 'maKHmur'

shayad in mein bhi koi tum sa dil-afgar mile