KHyal-e-bad se hama-waqt ijtinab karo

ḳhyāl-e-bad se hama-vaqt ijtināb karo

fazā-e-shahr ko dānista mat ḳharāb karo

jahāñ meñ aa.e ho do din kī zindagī le kar

har ik mahāz pe tum us ko kāmyāb karo

tamām shahr hai Duubā huā añdhere meñ

tum apne chāñd se chehre ko be-naqāb karo

idhar ḳhulūs udhar buġhz aur nafrat hai

aziiz kyā hai tumheñ is kā intiḳhāb karo

jo tum ne mujh ko diyā aur maiñ ne tum ko diyā

tum us kā baiTh ke chaupāl meñ hisāb karo

hijāb azmat-e-insāiyat kā zāmin hai

raho kahīñ bhī pa pābandī-e-hijāb karo

agar vatan se mohabbat hai tum ko ai 'ibrat'

to paidā azm se tum sabz inqalāb karo

KHyal-e-bad se hama-waqt ijtinab karo

faza-e-shahr ko danista mat KHarab karo

jahan mein aae ho do din ki zindagi le kar

har ek mahaz pe tum us ko kaamyab karo

tamam shahr hai Duba hua andhere mein

tum apne chand se chehre ko be-naqab karo

idhar KHulus udhar bughz aur nafrat hai

aziz kya hai tumhein is ka intiKHab karo

jo tum ne mujh ko diya aur main ne tum ko diya

tum us ka baiTh ke chaupal mein hisab karo

hijab azmat-e-insaiyat ka zamin hai

raho kahin bhi pa pabandi-e-hijab karo

agar watan se mohabbat hai tum ko ai 'ibrat'

to paida azm se tum sabz inqalab karo