ki is se pahle KHizan ka shikar ho jaun
ki is se pahle ḳhizāñ kā shikār ho jā.ūñ
sajā luuñ ḳhud ko mukammal bahār ho jā.ūñ
utārne ko pahāḌoñ se dhuup ghāTī meñ
maiñ koī chiiḌ koī devdār ho jā.ūñ
nahīñ huuñ tujh se maiñ vābasta ai jahāñ lekin
ye sochtā huuñ ki ab hoshiyār ho jā.ūñ
na bhaa.e log yahāñ ke na shahr hī ye mujhe
magar maiñ ḳhud se hī kaise farār ho jā.ūñ
bhale hoñ taish meñ lahreñ magar kise parvāh
maiñ kuud jā.ūñ to dariyā ke paar ho jā.ūñ
koī javāb to sūraj ke zulm kā bhī ho
maiñ bārishoñ kī jo ThanDī phuvār ho jā.ūñ
ki is se pahle KHizan ka shikar ho jaun
saja lun KHud ko mukammal bahaar ho jaun
utarne ko pahaDon se dhup ghaTi mein
main koi chiD koi dewdar ho jaun
nahin hun tujh se main wabasta ai jahan lekin
ye sochta hun ki ab hoshiyar ho jaun
na bhae log yahan ke na shahr hi ye mujhe
magar main KHud se hi kaise farar ho jaun
bhale hon taish mein lahren magar kise parwah
main kud jaun to dariya ke par ho jaun
koi jawab to suraj ke zulm ka bhi ho
main barishon ki jo ThanDi phuwar ho jaun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
