کی بہت کوششیں مگر نہ ہوئی
بن ترے زندگی بسر نہ ہوئی
وہ یہ بولے کہ جان دو اپنی
اور ہم سے اگر مگر نہ ہوئی
جو ترے ہجر میں ملی ہم کو
بس اسی رات کی سحر نہ ہوئی
جب ان آنکھوں کے اشک سوکھ گئے
تب سے بارش کبھی ادھر نہ ہوئی
منتظر ہم اسی کرم کے تھے
پر عنایت کی اک نظر نہ ہوئی
گم تھے وہ کس خیال میں کہ انہیں
میرے جانے کی بھی خبر نہ ہوئی
رات دن تم نے جس کو مانگا تھا
وہ ہی حاصل تمہیں اثرؔ نہ ہوئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
