ki KHata par baja kiya maine

kī ḳhatā par bajā kiyā maiñ ne

tujh ko jalva-numā kiyā maiñ ne

ḳhud ko aise fanā kiyā maiñ ne

farz apnā adā kiyā maiñ ne

merī dīvāngī bhī den tirī

kab kisī se gila kiyā maiñ ne

baañT dī jā.edād bachchoñ meñ

sochtā huuñ ye kyā kiyā maiñ ne

raah kāñToñ bharī thī manzil kī

azm se rāsta kiyā maiñ ne

ek tū jo bhulā.e baiThā hai

yaad tujh ko sadā kiyā maiñ ne

merī duniyā ujaaḌ dī us ne

baaġh jis kā harā kiyā maiñ ne

tū ne jis haal meñ rakhā mujh ko

shukr terā adā kiyā maiñ ne

kaise hogā burā 'ayāz' mirā

kab kisī kā burā kiyā maiñ ne

ki KHata par baja kiya main ne

tujh ko jalwa-numa kiya main ne

KHud ko aise fana kiya main ne

farz apna ada kiya main ne

meri diwangi bhi den teri

kab kisi se gila kiya main ne

banT di jaedad bachchon mein

sochta hun ye kya kiya main ne

rah kanTon bhari thi manzil ki

azm se rasta kiya main ne

ek tu jo bhulae baiTha hai

yaad tujh ko sada kiya main ne

meri duniya ujaD di us ne

bagh jis ka hara kiya main ne

tu ne jis haal mein rakha mujh ko

shukr tera ada kiya main ne

kaise hoga bura 'ayaz' mera

kab kisi ka bura kiya main ne