کیجے مرا یقین کہا نا نہیں ہوں میں
کیجے مرا یقین کہا نا نہیں ہوں میں
اچھا دکھائی دیتا ہوں اچھا نہیں ہوں میں
میں آئنے کے جھوٹ پہ کیسے کروں یقین
جیسا دکھائی دیتا ہوں ویسا نہیں ہوں میں
دریا دکھائی دیتا ہے دریا نہیں ہے وہ
قطرہ دکھائی دیتا ہوں قطرہ نہیں ہوں میں
رہ رہ کے میں ٹٹولتا ہوں اپنے آپ کو
اب کچھ دنوں سے لگتا ہے پورا نہیں ہوں میں
پتھر لگا تو زخم کا احساس بھی ہوا
دیوانہ لگ رہا ہوں دوانہ نہیں ہوں میں
اب پتھروں نے تھک کے یہ تسلیم کر لیا
شیشہ دکھائی دیتا ہوں شیشہ نہیں ہوں میں
اے بے وفا یہ تجھ سے مرا انتقام ہے
میرا نہیں ہے تو تو کسی کا نہیں ہوں میں
اپنا بھی میں نہیں رہا اس دن سے اے کمالؔ
جس دن سے اس نے کہہ دیا تیرا نہیں ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
