kije mera yaqin kaha na nahin hun main

kiije mirā yaqīn kahā nā nahīñ huuñ maiñ

achchhā dikhā.ī detā huuñ achchhā nahīñ huuñ maiñ

maiñ aa.ine ke jhuuT pe kaise karūñ yaqīn

jaisā dikhā.ī detā huuñ vaisā nahīñ huuñ maiñ

dariyā dikhā.ī detā hai dariyā nahīñ hai vo

qatra dikhā.ī detā huuñ qatra nahīñ huuñ maiñ

rah rah ke maiñ TaToltā huuñ apne aap ko

ab kuchh dinoñ se lagtā hai puurā nahīñ huuñ maiñ

patthar lagā to zaḳhm kā ehsās bhī huā

dīvāna lag rahā huuñ divāna nahīñ huuñ maiñ

ab pattharoñ ne thak ke ye taslīm kar liyā

shīsha dikhā.ī detā huuñ shīsha nahīñ huuñ maiñ

ai be-vafā ye tujh se mirā intiqām hai

merā nahīñ hai tū to kisī kā nahīñ huuñ maiñ

apnā bhī maiñ nahīñ rahā us din se ai 'kamāl'

jis din se us ne kah diyā terā nahīñ huuñ maiñ

kije mera yaqin kaha na nahin hun main

achchha dikhai deta hun achchha nahin hun main

main aaine ke jhuT pe kaise karun yaqin

jaisa dikhai deta hun waisa nahin hun main

dariya dikhai deta hai dariya nahin hai wo

qatra dikhai deta hun qatra nahin hun main

rah rah ke main TaTolta hun apne aap ko

ab kuchh dinon se lagta hai pura nahin hun main

patthar laga to zaKHm ka ehsas bhi hua

diwana lag raha hun diwana nahin hun main

ab pattharon ne thak ke ye taslim kar liya

shisha dikhai deta hun shisha nahin hun main

ai be-wafa ye tujh se mera intiqam hai

mera nahin hai tu to kisi ka nahin hun main

apna bhi main nahin raha us din se ai 'kamal'

jis din se us ne kah diya tera nahin hun main