kijiye na asiri mein agar zabt nafas ko

kījiye na asīrī meñ agar zabt nafas ko

de aag abhī sho.ala-e-āvāz qafas ko

bah jaave lahū ho ke dil-e-qāfila-sālār

ta.alīm de naala jo mirā bāñg-e-jaras ko

pahuñche hai nam-e-dāġh-e-jigar tā sar-e-mizhgāñ

shādāb maiñ rakhtā huuñ sadā aag se ḳhas ko

phirtā hai udhar zulf meñ shāna to idhar dil

ye duzd na laayā kabhū ḳhātir meñ asas ko

ai ishq na farhād bachā tujh se na parvez

bā-ḳhāk barābar tū kiyā nā-kas-o-kas ko

le sakte nahīñ saañs tirī kū ke muqayyad

tā ḳhūn-e-jigar biich na ġhota deñ nafas ko

tarġhīb na kar sair-e-chaman kī hameñ 'saudā'

har-chand havā ḳhuub hai vaañ lek havas ko

kijiye na asiri mein agar zabt nafas ko

de aag abhi shoala-e-awaz qafas ko

bah jawe lahu ho ke dil-e-qafila-salar

talim de nala jo mera bang-e-jaras ko

pahunche hai nam-e-dagh-e-jigar ta sar-e-mizhgan

shadab main rakhta hun sada aag se KHas ko

phirta hai udhar zulf mein shana to idhar dil

ye duzd na laya kabhu KHatir mein asas ko

ai ishq na farhad bacha tujh se na parwez

ba-KHak barabar tu kiya na-kas-o-kas ko

le sakte nahin sans teri ku ke muqayyad

ta KHun-e-jigar bich na ghota den nafas ko

targhib na kar sair-e-chaman ki hamein 'sauda'

har-chand hawa KHub hai wan lek hawas ko