kijiyega apna dar sau bar band

kījiyegā apnā dar sau baar band

ye na hoñge dīda-e-bedār band

ho ga.ī phir barhamī-e-yār band

jab paḌhe tārīf meñ do-chār band

aañkh meñ qatre nahīñ haiñ ashk ke

zarf meñ hai qulzum-e-zaḳhḳhār band

kar rahī hai jumbish-e-abrū halāl

myaan meñ ye kījiye talvār band

ab to zālim khol de band-e-naqāb

kar rahā hai aañkh ye bīmār band

ham se chhuTegī na hargiz tāñk-jhāñk

laakh kiije rauzan-e-dīvār band

dekh kar gul-rū ko mere baaġh meñ

bulbuloñ kī ho ga.ī minqār band

bijliyāñ tujh par girīñ ai bāġhbāñ

ye bahāreñ aur dar-e-gulzār band

khel samjhā thā tajallī ko 'kalīm'

ho ga.iiñ āñkheñ sar-e-kohsār band

vo ayādat ko mirī aa.e haiñ ab

ho chukī jab nabz kī raftār band

us bulandī par ibādat hai mirī

jis jagah haiñ sub.ha-o-zunnār band

shak guzartā hai sadā-e-sūr kā

kījiye pāzeb kī jhankār band

hogī 'jauhar' par ināyat kab tirī

hogā kab ye āñsuoñ kā taar band

kijiyega apna dar sau bar band

ye na honge dida-e-bedar band

ho gai phir barhami-e-yar band

jab paDhe tarif mein do-chaar band

aankh mein qatre nahin hain ashk ke

zarf mein hai qulzum-e-zaKHKHar band

kar rahi hai jumbish-e-abru halal

myan mein ye kijiye talwar band

ab to zalim khol de band-e-naqab

kar raha hai aankh ye bimar band

hum se chhuTegi na hargiz tank-jhank

lakh kije rauzan-e-diwar band

dekh kar gul-ru ko mere bagh mein

bulbulon ki ho gai minqar band

bijliyan tujh par girin ai baghban

ye bahaaren aur dar-e-gulzar band

khel samjha tha tajalli ko 'kalim'

ho gain aankhen sar-e-kohsar band

wo ayaadat ko meri aae hain ab

ho chuki jab nabz ki raftar band

us bulandi par ibaadat hai meri

jis jagah hain subha-o-zunnar band

shak guzarta hai sada-e-sur ka

kijiye pazeb ki jhankar band

hogi 'jauhar' par inayat kab teri

hoga kab ye aansuon ka tar band