kisa-e-gul mein band thi KHushbu

kīsa-e-gul meñ band thī ḳhushbū

kis qadar ḳhud-pasand thī ḳhushbū

sar-nigūñ thā ġhurūr-e-ġhuncha-o-gul

sar-ba-sar sar-buland thī ḳhushbū

ahl-e-gulshan the mahv-e-rāmish-o-rañg

haañ magar fikrmand thī ḳhushbū

uḌ ga.ī āmad-e-ḳhizāñ se qabl

vāqa.ī aql-mand thī ḳhushbū

ān-e-vāhid meñ aa ke lauT ga.ī

āhuoñ kī zaqand thī ḳhushbū

daftar-e-gulsitāñ thā tūlānī

aur bas harf-e-chand thī ḳhushbū

mūjib-e-ishq thī magar 'fartāsh'

āgahī thī na pand thī ḳhushbū

kisa-e-gul mein band thi KHushbu

kis qadar KHud-pasand thi KHushbu

sar-nigun tha ghurur-e-ghuncha-o-gul

sar-ba-sar sar-buland thi KHushbu

ahl-e-gulshan the mahw-e-ramish-o-rang

han magar fikrmand thi KHushbu

uD gai aamad-e-KHizan se qabl

waqai aql-mand thi KHushbu

aan-e-wahid mein aa ke lauT gai

aahuon ki zaqand thi KHushbu

daftar-e-gulsitan tha tulani

aur bas harf-e-chand thi KHushbu

mujib-e-ishq thi magar 'fartash'

aagahi thi na pand thi KHushbu