kita kahin pukar ai ghafil biya biya

kiitā kahīñ pukār ai ġhāfil biyā biyā

phirtā hai kyuuñ tū bhuul apas kā piyā piyā

būjhā hai kyuuñ ajal ko apas se ba.iid kar

ġhaflat meñ chup umar ko tū zaa.e kiyā kiyā

ab to samajh Tuk ek tirā jaan kaun hai

paapā hai jī ko jis ne muā nahiñ jiyā jiyā

lekin nahīñ hai kaam har ik ḳhaam kā yahāñ

āshiq vahī huā hai ki jo sar diyā diyā

pahuñchā hai jo ki ishq meñ manzil ko vasl kī

be-shak sakal jahāñ meñ huā be-riyā riyā

jo kui qadam ko apne rakhā rāh-e-ishq meñ

kahte haiñ āshiqāñ kī vo manzil liyā liyā

donoñ jahāñ se kaam nahīñ mujh ko ai 'alīm'

bas hai mujhe karīm diyā so hiyā hiyā

kita kahin pukar ai ghafil biya biya

phirta hai kyun tu bhul apas ka piya piya

bujha hai kyun ajal ko apas se baid kar

ghaflat mein chup umar ko tu zae kiya kiya

ab to samajh Tuk ek tera jaan kaun hai

papa hai ji ko jis ne mua nahin jiya jiya

lekin nahin hai kaam har ek KHam ka yahan

aashiq wahi hua hai ki jo sar diya diya

pahuncha hai jo ki ishq mein manzil ko wasl ki

be-shak sakal jahan mein hua be-riya riya

jo kui qadam ko apne rakha rah-e-ishq mein

kahte hain aashiqan ki wo manzil liya liya

donon jahan se kaam nahin mujh ko ai 'alim'

bas hai mujhe karim diya so hiya hiya