kin naqabon mein hai mastur wo husn-e-masum

kin naqāboñ meñ hai mastūr vo husn-e-ma.asūm

ai mirī chashm-e-gunahgār tujhe kyā mālūm

hāl-e-dil qābil-e-iz.hār nahīñ hai varna

mere chup rahne kā kuchh aur nahīñ hai mafhūm

ajnabī huuñ maiñ tire shahr-e-karam meñ ai dost

kyā hai is shahr kā dastūr mujhe kyā ma.alūm

dil-e-ḳhush-fahm ye kahtā thā bulā legā koī

jab maiñ uTThā thā tirī bazm se ho kar maġhmūm

vo shab-e-hijr vo āsār-e-sahar aur dil meñ

Dūbtī TūTtī miTtī huī yādoñ kā hujūm

ek paikār hai ḳhud se jise kahte haiñ vafā

husn-e-nā-karda tamannā ko vafā kyā ma.alūm

tālib-e-dād-e-suḳhan aap bhī haiñ kis se 'salīm'

vo ki haiñ jis kī ḳhamoshī meñ bhī lākhoñ mafhūm

kin naqabon mein hai mastur wo husn-e-masum

ai meri chashm-e-gunahgar tujhe kya malum

haal-e-dil qabil-e-izhaar nahin hai warna

mere chup rahne ka kuchh aur nahin hai mafhum

ajnabi hun main tere shahr-e-karam mein ai dost

kya hai is shahr ka dastur mujhe kya malum

dil-e-KHush-fahm ye kahta tha bula lega koi

jab main uTTha tha teri bazm se ho kar maghmum

wo shab-e-hijr wo aasar-e-sahar aur dil mein

Dubti TuTti miTti hui yaadon ka hujum

ek paikar hai KHud se jise kahte hain wafa

husn-e-na-karda tamanna ko wafa kya malum

talib-e-dad-e-suKHan aap bhi hain kis se 'salim'

wo ki hain jis ki KHamoshi mein bhi lakhon mafhum