kin sarabon ka muqaddar huin aankhen meri
kin sarāboñ kā muqaddar huiiñ āñkheñ merī
justujū kar ke jo patthar huiiñ āñkheñ merī
kuchh na tham paayā hai is sail-e-ravāñ ke aage
kaise ashkoñ kā samundar huiiñ āñkheñ merī
ḳhuun rone ke sivā kuchh nahīñ baaqī in meñ
kaise āsūda-e-ḳhanjar huiiñ āñkheñ merī
kabhī anvār ko mil paatā nahīñ in meñ faroġh
kyā zamīñ chhoḌ ke banjar huiiñ āñkheñ merī
tere irfān kī ye kaun sī manzil hai ḳhudā
phir na.e ḳhākoñ kā mehvar huiiñ āñkheñ merī
roz ik hādsa is meñ bhī samā jaatā hai
jīte-jī kaisā ye mahshar huiiñ āñkheñ merī
miT ga.e aks bhī yādoñ kī tarah un meñ 'tarāz'
nā-murādī kā vo manzar huiiñ āñkheñ merī
kin sarabon ka muqaddar huin aankhen meri
justuju kar ke jo patthar huin aankhen meri
kuchh na tham paya hai is sail-e-rawan ke aage
kaise ashkon ka samundar huin aankhen meri
KHun rone ke siwa kuchh nahin baqi in mein
kaise aasuda-e-KHanjar huin aankhen meri
kabhi anwar ko mil pata nahin in mein farogh
kya zamin chhoD ke banjar huin aankhen meri
tere irfan ki ye kaun si manzil hai KHuda
phir nae KHakon ka mehwar huin aankhen meri
roz ek hadsa is mein bhi sama jata hai
jite-ji kaisa ye mahshar huin aankhen meri
miT gae aks bhi yaadon ki tarah un mein 'taraaz'
na-muradi ka wo manzar huin aankhen meri
- Book : Ghazal Ke Rang (Pg. 157)
- Author : Akram Naqqash, Sohil Akhtar
- Publication : Aflaak Publications, Gulbarga (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
