kinare par jab usne panw Dale

kināre par jab us ne paañv Daale

nadī paanī se bolī jā nahā le

use kahnā koī rastā nikāle

barā.e naam hī mujh ko manā le

gale se tū jise hañs kar lagā le

vo saare shahr ko sar par uThā le

qayāmat tak vahī zinda rahegā

jise dard-e-mohabbat maar Daale

ye jo sahrā hai dīvānoñ kā ghar hai

na dīvāreñ na darvāze na taale

nahīñ haiñ ishq kī daulat se vāqif

mirī barbādiyoñ par hañsne vaale

tasavvur meñ tirī aahaT ko sun kar

ḳhushī se naach uThte haiñ ujāle

vo pāgal hai guloñ meñ khojtā hai

pasīne se tire ḳhushbū banā le

ab us se yuuñ bichhaḌnā bhī nahīñ hai

use kahnā na.e pahlū nikāle

nahīñ hai ab kisī āñdhī ke bas meñ

mire ghar se tirī ḳhushbū uḌā le

kinare par jab us ne panw Dale

nadi pani se boli ja naha le

use kahna koi rasta nikale

barae nam hi mujh ko mana le

gale se tu jise hans kar laga le

wo sare shahr ko sar par uTha le

qayamat tak wahi zinda rahega

jise dard-e-mohabbat mar Dale

ye jo sahra hai diwanon ka ghar hai

na diwaren na darwaze na tale

nahin hain ishq ki daulat se waqif

meri barbaadiyon par hansne wale

tasawwur mein teri aahaT ko sun kar

KHushi se nach uThte hain ujale

wo pagal hai gulon mein khojta hai

pasine se tere KHushbu bana le

ab us se yun bichhaDna bhi nahin hai

use kahna nae pahlu nikale

nahin hai ab kisi aandhi ke bas mein

mere ghar se teri KHushbu uDa le